Emanuele Battista

Na larme

Sop'a la meràgghie,
iavetàve "Gelòrme metràgghie".

N'òmne spietàte, feriùse e violènde,
ca tenève u respètte de tutte le delinguènde.

Avève truffàte, arrebbàte e accìse,
e sop'a la sckène, chiù de vinde precìsse.

Iève nu padretèrne a Barevècchie,
pure mò, ca stève a fà vècchie.

Ma Gelòrme u bandìte,
non avève fatte le cunde che la vite.

Na matìne accòme s'alzò,
u musse terciùte s'acchiò!

Scì fescènne a le mègghie dottùre,
p'avè sùbbete na bona cure.

E 'mbèsce... nge sendenziòrne la chendànne:
assàie, assàie cambàve n'ald'anne!

Doppe de tanna desperazziòne,
arrevò pure pe ìidde la rassegnazziòne.

E penzànne o futùre,
nge venève pavùre

Achsì, scì o prèvete Don Luìse,
p'avè nu poste o Paravìse

Ze prèvete, mbèsce de dange la respòste,
nge facì na propòste:

"Gelòrme, va iìnne sta giàrra d'àcque
e po' te fazze parlà che n'àngiue".

Gelòrme, se sendì 'nzuldàte,
pròbbie iìdde a ièsse chemmannàte.

Ma 'ndànde, penzànne a la sestemazziòne,
accettò pure chessa umiliazziòne.

Se mettì sùbbete 'ngamìne,
pe scì a la fendàne de la banghìne.

Ma seccedì na cose ca non capescève:
la giàrre, d'acque no nz'agnève!

Prevò a l'alda fendàne, po' 'ngànn'a mare,
e desperàte scì pure fore de Bare.

Doppe de dèsce mìse,
se presendò a Don Luìse.

Canesciànne, sporche e sciupàte,
che la varva longhe e le robbe strazzàte.

"Menzegnòre, la giàrre sta angòre vacànde,
e iè arrevàte u tìiembe ca ià scì o cammesànde".

"Iinde a sti mise na còse sò capesciùte,
ca pe me u Paravìse sta acchiedùte".

"E iè giùste ca nu malacàrne de delinguènde,
fasce na brutta fine fetènde".

"Apprìme, de me tutte se pegghiàven'a pavùre,
mò, pure le peccenìnne me donne la cargatùre".

"Ma non iè chessa ca me 'mbòrte,
ce pe me s'aprèvene certe porte".

"Ah... don Luise, ce petèsse ternà 'ndrète,
a stu munne velèsse nasce arrète".

E mèndre parlàve, chiangève,
... na larme da la facce scherrève,

cadì iìnde a la giarre e... a l'mbrevvìse
s'agnì d'àcque. Gesù, ng'aprì u Paravìse!

pagina indietro

pagina avanti