Jìnd’o cartòne

La dì della ‘Mmacolàte

da jìnd’o cartòne u sò trate.

Muddù… quanne pestrìgghie,

stèdde, mendàgne e frambùgghie.

A iune a iune le sò pegghiàte,

ce so bèdde tutte ‘nzìme acchecchiàte.

U zambognàne, le re mage, le pecorèlle,

u laghètte, u pondicèlle, le pastorèlle.

U pesciaiùle, u ferràre, u candeniìre,

la lavannàre, la gaddenàre, u veccìre.

La pagghie, u ciucce e u vove jìnd’a la grotte,

la Madònne, San Gesèppe e na naca rotte.

Attùrne – attùrne le lusce coloràte,

u ciìle, l’àngiue, la comète.

Maddò ce so’ bèlle, ce so’ creiùse,

genda sèmblece, pe nudde beriùse.

Jì le sèndeche de parlà, de disce,

a me me pàrene tutte amìsce.

Eppò finalmènde, a la vescìgghie

arrìve jìdde, probbie  u figghie.

Sì, u figghie de Dì, u Re de tutte quande,

de le straniìre, de le dottùre e le ‘gnorànde.

E achsì la case se iègne de calòre,

trase la lusce, trase u amòre.

E ogne sère me stogghe apprìsse na mezz’ore

na preghiìre, nu penziìre ca stà jìnd’o core.

E Gesù Bambìne me sènde, me sènde

e me fasce scì sèmme chendènde.

Ma po’… alla Befàne arrìve u cartòne,

la fèste ha fernùte, s’achiùte u baraccòne.

No, no… cuss’anne non esìste

ca Gesù se ne va che le fìste.

Cuss’anne Gesù Bambìne

non va’ a fernèsce jìnd’a la candìne.

Dò, donìnde arremànne u Bambinèlle,

o cèndre de la stanze, u poste chiù bèlle.

Cudde Peccenìnne iè la carèzze de Dì

ca nge dà forze e pasce tutte le dì.

Percè tutte le scernàte so’ eguàle

e pe nu ogni dì a va ièsse Natàle.

                                                                                  Emanuele Battista

Natale 2019